Дунёдаги энг йирик медиа-компаниялардан бири The Walt Disney штатнинг қарийб 3,6 фоизга қисқаришига олиб келадиган қайта ташкил этилишини эълон қилди, деб хабар беради Reuters.
«5,5 миллиард долларни тежаш ва стриминг хизматининг рентабеллигини оширишга қаратилган саъй-ҳаракатлар доирасида 7 минг иш ўрни қисқартирилади», — дейилади хабарда.
Натижада маъмурий ва операцион харажатлар 2,5 миллиард долларга қисқаради. Компания спортга оид бўлмаган контент блокини янгилаш орқали яна 3 миллиард доллар тежашга умид қилмоқда.
