Воқеа пойтахтдаги 122-cонли мактабгача таълим ташкилотида содир бўлган.
Тошкент шаҳар Мактабгача ва мактаб таълими бошқармаси пойтахтдаги боғчаларнинг бирида болалар оёғига игна санчилгани айтилган хабарларга муносабат билдирди.
Аниқланишича, педагогика коллежи ўқувчиси Р.М. амалиётини ўташ учун Янгиҳаёт тумани “Орият” МФЙда жойлашган 122-сонли давлат мактабгача таълим ташкилотига 11 май кунидан 4-сонли кичик гуруҳга қабул қилинган.
26 май куни шу гуруҳ тарбияланувчиларининг икки-уч нафарига ухламагани сабабли игна тиқиб олингани маълум бўлган. Ҳозирда талаба Р.М. амалиётдан четлатилган.
Мазкур ҳолат юзасидан Янгиҳаёт туман ИИО ФМБ томонидан суриштирув ишлари олиб борилмоқда.
