Бу йилги тест синовида қанча абитуриент иштирок этади?

Билим ва малакаларни баҳолаш агентлиги жорий йилги тест синовида 948 486 нафар абитуриент иштирок этишини маълум қилди.

Таъкидланишича, 2023-2024-ўқув йили учун ОТМларнинг бакалавриат таълим йўналишларига кириш тест синовларида иштирок этиши белгиланган абитуриентлар сони 948 486 нафарни ташкил этди.

Абитуриентларнинг таълим тили бўйича тақсимоти:

• Ўзбек тили — 828 699 нафар;
• Рус тили — 88 830 нафар;
• Қорақалпоқ тили — 28 718 нафар;
• Бошқа тиллар — 2 239 нафар.

Абитуриентларнинг таълим шакллари бўйича тақсимоти (биринчи таълим йўналишига нисбатан):

• Кундузги таълим шакли — 545 616 нафар;
• Кечки таълим шакли — 22 867 нафар;
• Сиртқи таълим шакли — 373 169 нафар;
• Масофавий таълим шакли — 6 834 нафар.

Энг кўп абитуриент рўйхатдан ўтган ОТМлар (биринчи таълим йўналишига нисбатан):

• Ўзбекистон миллий университети — 33 721 нафар;
• Тошкент давлат транспорт университети — 28 474 нафар;
• Фарғона давлат университети — 28 188 нафар;
• Тошкент давлат педагогика университети — 26 827 нафар;
• Қарши давлат университети — 26 640 нафар.

Энг кўп абитуриент рўйхатдан ўтган ҳудудлар (доимий яшаш ҳудуди бўйича):

1. Қашқадарё вилояти — 112 242 нафар.
2. Самарқанд вилояти — 105 805 нафар.
3. Фарғона вилояти — 89 022 нафар.
4. Тошкент вилояти — 82 173 нафар.
5. Сурхондарё вилояти — 79 004 нафар.