Bugun Eron Islom Respublikasining Ilm-fan, texnologiyalar va bilimga asoslangan iqtisodiyot boʻyicha vitse-prezidenti Ruxolloh Dehqoni Feruzabadini O‘zbekistonga keldi. Rasmiy mehmonni Oliy ta’lim, fan va innovatsiyalar vaziri Ibrohim Abdurahmonov kutib oldi.
Shundan so‘ng delegatsiya vakillari Oliy taʼlim fan va innovatsiyalar vazirligi huzuridagi “Inno» Innovatsion o‘quv-ishlab chiqarish texnoparki faoliyati bilan tanishdi.
Keyingi manzil esa Toshkentdagi Eron innovatsiyalar va texnologiyalar uyi bo‘ldi.
Tashrif davomida Ibrohim Abdurahmonov hamda Eron vitse-prezidenti ikki mamlakat hamkorligi, texnologiyalar transferi yo‘nalishidagi yutuqlar va muammolarni muhokama qilishdi.
Kelgusida hamkorlik yanada rivojlantirish xususida takliflar berildi.
