АҚШ элчихонаси бугундан ноиммиграцион визалар бўйича янги веб-сайтни ишга туширди.
Янги хизматга кўра, виза бўйича маълумот олиш, виза тўловини амалга ошириш, суҳбат санасини белгилаш ҳамда паспортни етказиб бериш хизматидан фойдаланиш имкониятлари мавжуд бўлади.
Айтилишича, Тошкент марказида паспортларни тақдим этиш учун янги жой ташкил этилади, қўшимча тўлов эвазига республика бўйлаб паспортни етказиб бериш йўлга қўйилади.
Виза тўлови суҳбат санасини белгилашдан аввал амалга оширилади. Виза тўлови “Tenge Bank”нинг барча филиалларида нақд пул ёки веб-сайтда пластик карта орқали тўлаш мумкин.
Тўловлар АҚШ элчихонасида қабул қилинмайди.
