Газета.уз нашри пропан нархлари каррасига ошгани сабаблари билан қизиқиб, пропан савдосини кимларнинг қўлида жамланганлигига эътибор қаратди.
Нашрга кўра, 2024 йилнинг дастлабки 4 ойи, яъни сунъий равишда дефицит яралмасдан туриб, Ўзбекистон пропан бозорининг 94%ини ўзаро нотаниш бўлмаган тўртта гуруҳ назорат қилган:
LUKOIL Overseas Supply and Trading 63%;
Uz Gas Energy МЧЖ 14%;
Ўзбекнефтегаз гуруҳи 14%, шундан:
Ўзбекнефтегаз 8%
Uzbekistan GTL 4%
Шўртан ГКМ 2%.
SEG TASCO МЧЖ 3%.
Иқтисодчи Отабек Бакиров пропан нархининг кескин кўтарилишини монополистларнинг сунъий дефицити натижасида юзага келганини идаао қилди (https://t.me/the_bakiroo/8793).
“Бу рўйхатда шимолдагиларга тегишли LUKOIL ва Ўзбекнефтегазга алоҳида изоҳ бериб ўтириш керак эмас. SEG TASCO МЧЖ швейцарияликми, кипрликми ё гонконгликми бўлган, офат юз берган Мустақилликнинг 25 йиллиги конидан тортиб, Газлидаги газ омбори, аввал Ўзбекнефтегазга тегишли бўлган нефть конлари, омборхоналари ва ФНҚЗгача бўлган саноқсиз активларни ўз назоратига ўтказиб олган инвесторга тегишли эканини зийрак ўқувчилар билса керак”, дейди иқтисодчи.
