Yandex Узбекистан Yandex Мапс навигация иловасига Тошкент, Бухоро, Самарқанд ва Хива шаҳарларининг диққатга сазовор жойларининг уч ўлчамли рангли моделлари қўшилди.
«Бинолар ва маданий ёдгорликларнинг уч ўлчамли макетлари аҳолига харитада яхшироқ ҳаракатланишга ёрдам беради, сайёҳлар эса диққатга сазовор жойларни яхшироқ билиб олишлари ва уларга турлича қарашлари мумкин бўлади», — дейилади хабарда.
Фойдаланувчиларга тақдим этилган моделлар қаторида Ҳазрати Имом мажмуаси, Чорсу бозори, Регистон майдони, Самарқанддаги Мирзо Улуғбек расадхонаси, Бухородаги Пойи Калон ва Лаби-Ҳовуз ансамбллари ҳамда Хивадаги Калта минор минорасини кўриш мумкин.
