Аввалроқ, Қашқадарёдаги университет ҳудудида йигит севган қизини пичоқлагани ва ҳолат юзасидан жиноят иши қўзғатилгани ҳақида хабар қилган эдик.
Маълум қилинишича, ҳолат жорий йилнинг 22 июнь куни соат 08:30 атрофида фуқаро М.Э. Қарши давлат университети талабаси фуқаро С.Т. билан университет ҳудудида ўзаро жанжаллашиб, С.Т.нинг танасини турли соҳаларига ўзи билан олиб келган пичоқни 8 маротаба санчиб, оғир тан жароҳати етказган.
Шундан сўнг, фуқаро М.Э. ўзининг қорин бўшлиғига пичоқ санчиб, ўзига-ўзи тан жароҳати етказган.
Ҳолат юзасидан суд иши ЖИБ Қарши шаҳар судида кўриб чиқилди. Бу ҳақда «Замон» дастури хабар қилди.
Суд ҳукмига кўра, ЖКнинг 59-моддасига асосан, тайинланган жазоларни қисман қўшиш йўли билан судланувчи йигитга нисбатан 11 йил муддатга озодликдан маҳрум қилиш жазоси тайинланди.
