Россияда 670 мингга яқин ноқонуний муҳожирлар истиқомат қилади, уларнинг аксарияти аёллар ва болалар ҳисобланади. Бу ҳақда РФ Ички ишлар вазирининг биринчи ўринбосари Александр Горовой маълум қилди.
5 февралдан бошлаб Россияда ноқонуний муҳожирларнинг электрон реестри ишга тушади. Горовойнинг сўзларига кўра, қонунбузарликка йўл қўймаган муҳожирларга 2025 йилнинг 30 апрелига қадар ўз мақомини тартибга солиш имконияти берилади.
🔹 Реестрга киритилган муҳожирлар айрим ҳуқуқлар бўйича чекловларга дуч келадилар. Агар қонунбузарликлар такрорланса, улар депортация қилиниши мумкин.
🔹 Полиция ходимлари муҳожирларни қолиш қоидаларига риоя қилмаганлик учун чиқариб юбориш ваколатига эга бўлади.
🔹 Шунингдек, агар вояга етмаган болаларининг Россияда бўлиши исталмаган деб топилса, чет эллик ота-оналар ҳам мамлакатдан чиқиб кетиши шарт бўлади.
