UzAuto Motors компанияси ўзининг расмий саҳифалари ва ОАВда Рамазон ойи муносабати билан Chevrolet Onix ва Tracker автомобилларига 30 ойгача фоизсиз муддатли тўлов асосида харид қилиш имконияти яратилишини эълон қилган. Бунда бошланғич тўлов 50 фоиз қилиб белгилангани айтилган.
Platforma.uzнинг Каспро манбасига таяниб хабар беришича: «Айни пайтда Chevrolet Onix ва Tracker автомобилларига 30 ойгача фоизсиз муддатли тўлов асосида харид қилиш имконияти мавжуд эмас».
Суриштирувга кўра, UzAuto Motors’нинг бирорта расмий дилерлик марказларида ва ёки компаниянинг ўзида ҳам бу мазмундаги шартномалар мавжуд эмаслигини айтилган. Мижозлар сўровига компания мутасаддилари «телефон қилиб туринг, бундай акция ҳозир қўлланилгани йўқ», деган мазмунда жавоб берилган.
