АҚШ президенти Жон Кеннеди ва бошқа сиёсатчиларга қилинган суиқасдга оид ҳужжатлар эълон қилинди. Бу ҳақда Америка Қўшма Штатлари Миллий архиви расмий веб-сайтида хабар берилган.
Ҳужжатларга расмий архив веб-сайти орқали, шунингдек, шахсан бориб босма шаклда ёки аналог форматдаги маълумотларда танишиш мумкин.
«Президент Жон Ф. Кеннедининг суиқасдига оид ҳужжатлар коллекцияси 6 миллиондан ортиқ саҳифани ташкил этади. Бу ҳужжатлар президентга қилинган суиқасд билан боғлиқ. Ушбу коллекциянинг катта қисми аллақачон махфийликдан чиқарилган ва жамоатчиликка шахсан ҳамда онлайн тарзда очиқ», — дейилади хабарда.
