21 апрель, душанба куни Рим-католик черкови раҳбари — Папа Францискнинг вафот этгани ҳақида хабарлар тарқалди. Понтификнинг ўлимига нима сабаб бўлгани ҳозирча расман ошкор этилгани йўқ.
Reuters агентлиги маълумотига кўра, Папа Франциск 21 апрель тонгда вафот этган. Унинг вафоти ҳақида дунё миқёсидаги йирик ахборот манбалари ҳам хабар берди.
Рим Папасининг ўлими насронийларнинг муқаддас байрами — Пасха муносабати билан ўтказилган тадбирлардан сўнг маълум бўлди. Аргентинада туғилган кардинал Хорхе Марио Берголио 2013 йили “Франциск” номи билан Рим Папаси этиб сайланган ва Янги Дунёдан (Лотин Америкасидан) чиққан илк Папа бўлган эди.
Сўнгги вақтларда 86 ёшли Ватикан раҳбари соғлиғи билан боғлиқ муаммолар, хусусан, пневмония ташхиси билан курашаётгани маълум эди. Шунга қарамай, у сўнгги кунгача ўз вазифаларини бажаришда давом этди.
Папа Франциск ўзининг сўнгги оммавий мурожаатини кеча, Пасха муносабати билан бутун дунё католикларига анъанавий табриғини йўллаган ҳолда амалга оширган эди.
