Техас штатида 4 июль куни содир бўлган кучли сув тошқинидан сўнг, ифлосланган сувлар сабабли аҳоли саломатлигига жиддий хавф туғилмоқда. Бу ҳақда ABC телеканали мутахассисларга таянып хабар берди, деб ёзади media.az нашри.
Экспертларнинг таъкидлашича, ёғингарчиликнинг ўзи хавфли эмас, бироқ у канализация, септик тизимлар ва сув омборларининг тўлиб кетишига сабаб бўлган. Натижада сувга турли зарарли моддалар — бактериялар, кимёвий бирикмалар ва чиқиндилар аралашган.
«Бу сулар тери касалликларидан тортиб, ички инфекциялар, ҳатто оғир сепсисга олиб келиши мумкин», — дея огоҳлантиради соғлиқни сақлаш мутахассислари. Айниқса, қишлоқ ҳудудларидаги аҳоли учун хавф юқори — чорва нажаслари билан аралашган сув бактериялар кўпайиши учун қулай муҳит яратган.
Шунингдек, ифлос сув ошқозон-ичак касалликларига ҳам сабаб бўлиши мумкин. Очиқ яра ёки кесик орқали кирган бактериялар оғир инфекцияларни келтириб чиқаради.
4 июлда юз берган сув тошқинлари Техаснинг олти округига зарар етказди. Расмий маълумотларга кўра, камида 120 киши ҳалок бўлган, яна 172 киши бедарак йўқолган. Энг кўп зарар Керр округида қайд этилган — бу ерда камида 95 киши, жумладан 36 нафар бола ҳалок бўлган.
