Иқтисодиёт ва молия вазирлиги маълумотига кўра, аввалроқ ишчи гуруҳ хатолари сабабли овоз бериш жараёнидан четлатилган Олтинкўл тумани лойиҳалари қайта кўриб чиқилди.
Натижада 93 та лойиҳа овоз бериш босқичига ўтди, 23 та лойиҳа эса амалдаги мезонларга зид бўлгани учун асосли равишда рад этилди. Аввалги босқичда эса 22 та лойиҳа тасдиқланиб, 94 та лойиҳа асоссиз рад этилган эди.
Шунингдек, Олтинкўл тумани бўйича овоз бериш жараёни 29 августдан бошланди ва 31 август соат 23:59 гача давом этади.
Эндиликда олтинкўллик фуқаролар уч кун давомида ўзларига манфаатли ва долзарб лойиҳаларга овоз бериш имкониятига эга бўлди.
