Олий таълим, фан ва инновациялар вазирлигининг маълум қилишича, қуйида келтирилган Нодавлат олий таълим муассасаларининг янги таълим йўналишлари, мутахассисликлари, таълим шакллари ҳамда фаолият манзиллари бўйича қабул жараёнларини ташкил этиш учун ҳеч қандай рухсат берилмаган.
Хабарга кўра,
“University of Business and Science MChJ”нинг масофавий таълим;
“Osiyo Xalqaro Universiteti” MChJ нинг масофавий таълим шаклларига ҳамда Хоразм вилояти, Урганч шаҳридаги янги фаолият манзилига
“Iqtisodiyot va Pedogogika Universiteti”NTM нинг тиббиёт йўналишлари ва магистратура мутахассисликлари, масофавий таълим шакллари ҳамда Сурхондарё вилояти, Денов туманидаги янги фаолият манзилига;
“Sharq-University” MChJ нинг банк иши, бухгалтерия ҳисоби таълим йўналишлари ва барча кечки ва масофавий шаклларга;
“Profi university” MJCh нинг юриспруденсия таълим йўналиши, масофавий шакл ва барча магистратура мутахассисликларига рухсат берилмаган.
Олий таълим, фан ва инновациялар вазирлиги номлари келтирилган олийгоҳлар томонидан эълон қилинаётган йўналишлар, мутахассисликлар, таълим шакллари ҳамда фаолият манзиллари бўйича маълумотлар асоссиз эканлигини ҳам таъкидлаб ўтди.
