Пахта терими нархлари эълон қилинди

Қишлоқ хўжалиги вазирлиги пахта терими учун ҳақ тўлаш тартиби бўйича расмий баёнот берди.

Жорий йилда нархлар қуйидагича белгиланди:

  • машинада терилган пахта – 1 кг учун 1 373 сўм;
  • қўлда терилган пахта – 1 кг учун 2 000 сўм тавсиявий нарх. Шу билан бирга, терим даврида кластер, фермер хўжалиги раҳбарлари ва теримчилар ўртасида ўзаро келишув асосида нарх мустақил белгиланиши мумкин;
  • давлат субсидияси – пахта етиштириш харажатларини қоплаш мақсадида 1 кг учун 1 000 сўмдан ажратилади.

Вазирлик ижтимоий тармоқларда тарқалган “1 кг – 1 800 сўм” ҳақидаги хабарни рад этди. Таъкидланишича, бу маълумот ҳеч қандай расмий ҳужжат билан тасдиқланмаган.