67 ёшли америкалик бемор Тим Эндрюсга генетик жиҳатдан ўзгартирилган чўчқадан буйрак кўчириб ўтказилганидан сўнг, у 6 ойдан ортиқ вақт давомида соғлом яшамоқда. Бу ҳолат чўчқа аъзосини тирик одамга кўчириб ўтказишдан кейин омон қолиш бўйича тарихий рекорд сифатида қайд этилди.
Nature нашри ёзишича, Эндрю терминал буйрак етишмовчилигидан азият чеккан ва икки йилдан зиёд вақт давомида диализда бўлган. Январь ойида ўтказилган мураккаб операциядан кейин у диализга муҳтож бўлмай қолди.
Эндрю eGenesis биотехнологик компанияси томонидан тайёрланган генетик жиҳатдан ўзгартирилган чўчқа буйракларини олган уч бемордан бири ҳисобланади. Муттахассислар фикрича, трансплантациядан кейинги илк олти ой энг хавфли давр саналади, чунки бу вақтда қон камайиши ёки органни иммун тизим рад этиши мумкин. Шу боис, беморнинг олти ойдан ортиқ яшаши катта ютуқ сифатида баҳоланмоқда.
Австралия университети профессори Уэйн Хоторн буни «ксенотрансплантацияда янги босқич» деб атади ва 12 ойлик натижа яна бир муҳим қадам бўлишини таъкидлади.
Маълумот учун, илгари энг узоқ умр кўрган бундай орган 53 ёшли америкалик Тована Лунида қайд этилган бўлиб, у чўчқа буйраги билан 4 ой 9 кун яшаган.
Тим Эндрюсга ўтқазилган чўчқа буйрагида уч турдаги генетик ўзгартириш қилинган:
- орган рад этилмаслиги учун айрим антигенлар олиб ташланган,
- яллиғланиш ва қон кетиш хавфини камайтириш мақсадида 7 та инсон гени қўшилган,
- чўчқа геномидаги ретровируслар фаолсизлантирилган.
