Қозоғистонда жорий йил 16 сентябрдан бошлаб турмушга чиқишга мажбурлаганлик учун жиноий жавобгарлик тўғрисидаги қонун кучга кирди.
Қайд этилишича, Қозоғистонда фуқароларнинг ҳуқуқлари ва эркинликларини ҳимоя қилишни кучайтиришга қаратилган қонунчиликка киритилган ўзгартиришлар кучга киришни бошлаган. Хусусан, турмушга мажбурлаш ва кибержиноят учун жазо чораларини назарда тутувчи Жиноят кодекси моддалари амалда кучга кирган.
Ушбу ҳаракат (“Никоҳга мажбурлаш”, ЖК 125-1-моода) энди жиноят деб топилади. Турмушга мажбурлаганлик учун жарима, ахлоқ тузатиш ёки жамоат ишлари, озодликни чеклаш ёки озодликдан маҳрум этиш шаклида жазо белгиланган. Хусусан, маълум миқдорда жарима ва икки йилгача озодликдан маҳрум этишгача. Агар ҳаракатлар эҳтиётсизлик туфайли оғир оқибатларга олиб келган бўлса, беш йилдан ўн йилгача озодликдан маҳрум этиш белгиланиши мумкин.
Шу билан бирга, Жиноят кодексининг 125-моддасидаги изоҳни чиқариб ташлаш муҳим ўзгартиришлардан бири бўлган. Унга кўра, олдин агар шахс мажбурлаб ўғирланган одамни ихтиёрий равишда озод қилган бўлса, у жиноий жавобгарлигидан озод қилиниши мумкин эди. Энди бундай имконият йўқ. Ҳатто ўғирланган шахсни ихтиёрий озод қилган тақдирда ҳам айбдор қонун доирасида жавобгарликка тортилади.
