Ўзбекистон Миллий Олимпия Қўмитасида бокс, оғир атлетика, байдарка ва каноэда эшкак эшиш бўйича жаҳон чемпионатларида юқори натижалар қайд этиб, Ўзбекистон шарафини муносиб ҳимоя қилган спортчи ҳамда уларнинг мураббийларига Президент совғаси – BYD автомобиллари ва бир марталик пул мукофотлари тантанали равишда топширилди.
Жаҳон чемпиоантида олтин медални қўлга киритган спортчиларга BYD Champion Song ва 15 000 АҚШ доллари, кумуш ва бронза медалини қўлга киритган спортчиларга BYD Chazor автомашиналари ҳамда 7 000 АҚШ доллари, бронза медалини қўлга киритган спортчиларга BYD Chazor автомашиналари ва 3 700 АҚШ доллари бир марталик пул мукофотлари тантанали равишда топширилди. Уларнинг мураббийлари ҳам бир марталик пул мукофоти билан тақдирланишди.
Совринларни ўз эгаларига топширган Ўзбекистон президентининг спорт бўйича вакили Одил Абдураҳмонов, Спорт вазири Адҳам Икрамов ҳамда МОҚ раисининг биринчи ўринбосари Отабек Умаров, спортчи ва мураббийларни қутлаб, уларнинг келгуси фаолиятларида ҳам омад тиладилар.
Тақдирланган спортчи ва мураббийлар номидан сўз олган Руслан Нурудинов, Абдумалик Халоков, Тўлқин Қиличев, шунингдек, Жавоҳир Умматалиевнинг отаси Туробжон Умматалиев президентга миннатдорчилик билдириб, давлат томонидан кўрсатилган бундай юксак эътибордан мамнун эканликларини билдиришди.
