Мексикада пляжда дам олишдан кейин боланинг қулиғидан тирик қисқичбақа топилди. Уни шифокорлар олиб ташлашга мажбур бўлишди.
Китция Митре исмли аёл ўғли Педро билан пляжга борганидан сўнг, бола қулоғида ноқулайлик сеза бошлаган. У онасига қулоғида гўё кимдир юргандек ҳис қилаётганини айтган.
Онаси боласини шифохонага олиб борди. Текширув пайтида шифокорлар қулоқ йўлида кичик қисқичбақа борлигини аниқлашди.
Педро операция жараёнини видеога олишни сўради. Қисқичбақани олиб ташлашганда у ҳали тириклиги маълум бўлди. Операция жараёни видеога олинган.
Видео ижтимоий тармоқларда тезда тарқалди. Китция бу воқеадан кейин янги фобияга эга бўлганини айтди. Фойдаланувчилар эса ўз бошларидан ўтган ўхшаш ҳолатлар билан ўртоқлашишди — улардан бири ҳатто бир куни унинг қулиғига таракан кириб кетганини ёзиб қолдирди, деб хабар бермоқда The Daily Mail.
