Хитойда 36 ёшли эркак ошқозонни қисқартириш амалиётидан сўнг вафот этди. У тўй маросими олдидан тезда вазн йўқотиш мақсадида жарроҳлик операциясига рози бўлган. Марҳумнинг вазни 134 килограмм бўлган.
Операциядан сўнг беморнинг аҳволи кескин ёмонлашиб, ўткир нафас етишмовчилиги юзага келган ва бу унинг ўлимининг сабаби бўлган.
Яқинлари операцияга тайёргарликда текширувларда хатоликлар бўлган бўлиши мумкинлигини, шунингдек, асоратлар пайдо бўла бошлаганда шифокорлар томонидан ўз вақтида тўғри чора кўрилмаганини иддао қилмоқда.
Клиника вакиллари эса операция тиббий талабларга мувофиқ ўтказилганини, врачлар малакаси стандартларга тўлиқ жавоб беришини билдирди.
Ўлимнинг аниқ сабаби суриштирув натижасида ошкор бўлади, деб хабар берди South China Morning Post.
