АҚШда виза сиёсати янада қатъийлашиши мумкин. The Washington Post жазавасига кўра, АҚШ Давлат котиби Марко Рубио барча элчихоналар ва консулликларга визага мурожаат этувчиларнинг саломатлик ҳолатини алоҳида текшириш буйруғини юборган.
Ушбу йўриқнома оғир касалликка чалинган айрим тоифадаги инсонлар учун виза олишни мураккаблаштириши эҳтимолини кучайтирди.
Қайси касалликлар хавфли рўйхатга кириши мумкин?
Ҳужжатга кўра, қуйидаги касалликлар визага рад жавобини бериш учун асос бўлиши мумкин:
- юрак-қон томир касалликлари
- нафас олиш тизими оғир хасталиклари
- саратон
- диабет
- метаболик синдромлар
- неврологик касалликлар
Рубио бу чекловларни АҚШдаги тиббий хизматнинг қимматлиги билан изоҳлаган: оғир касалларнинг даволаниши «юз минглаб долларлар»га тушиши ва бундай харажат солиқ тўловчилар зиммасига тушмаслиги кераклиги айтилган.
Йўриқнома расмий текширувдан ҳатто ўтмаганми?
The Washington Post манбаларига кўра, ҳужжат АҚШ Давлат департаменти сиёсий раҳбарияти томонидан ишлаб чиқилган, аммо одатдаги ички ҳуқуқий экспертизадан ўтмаган.
Иммиграция бўйича адвокат Вик Гоэл бу ҳолатни жиддий танқид қилиб, бундай чекловлар консуллик ходимларига «меъёрдан ортиқ ихтиёрийлик» бериб юбориши мумкинлигини айтган.
“Бундай касалликлар ҳеч қачон визани рад этиш учун расмий асос бўлмаган”, — деди у.
Оқ уй қандай муносабат билдирди?
Оқ уй матбуот котиби Анна Келли таъкидлашича, АҚШ 100 йилдан буён мамлакат бюджетига оғир юк солиши мумкин бўлган, давлат томонидан молиялашадиган тиббий хизматга муҳтож бўлган фуқароларнинг киришини чеклаб келади.
Шу боис, янги йўриқнома “тарихий амалиётнинг давоми” экани айтилади.
