Андижон вилояти Улуғнор туманида яшовчи 39 ёшли Ф.Қ. икки марта оила қуриб, ҳар икки никоҳидан бўлган фарзандлари учун алимент тўловларини амалга оширмагани аниқланди. Суд ордерларига қарамай, у алиментни тўламасдан юрган ва натижада қарзи 33 миллион сўмга етган.
Шунингдек, Ф.Қ. АТ «Алоқабанк»дан олган 64 миллион сўмлик кредитини ҳам узмаган. Мажбурий ижро бюроси томонидан унинг «Hongqi H5 Flagship» автомашинаси хатланди.
Қарздор белгиланган муддатда алимент ва кредит қарзларини тўламаса, ушбу машина электрон аукционга чиқарилиб, тушум ижро ҳужжатларини қоплашга йўналтирилади.
