Мактаб директори Гулираъно Қосимованинг таҳқирланиши билан боғлиқ жиноят иши бўйича Фурқат туман ИИБ собиқ бошлиғи Акмал Хўжаев ва унинг ўринбосари Жасур Расуловга суд ҳукми ўқилди.
ИИБнинг икки собиқ мансабдорига суд ҳукми билан 4 йилдан озодликдан маҳрум қилиш жазоси тайинланди.
Суд ҳукми билан Фурқат туман ИИБ собиқ бошлиғи Акмал Хўжаев ва унинг ўринбосари Жасур Расулов айбли деб топилган. Суд ҳукми билан уларнинг ҳар бирига 4 йил озодликдан маҳрум қилиш жазоси тайинланган.
Шунингдек, улар 3 йилга ички ишлар органларида ишлаш ҳуқуқидан ҳам маҳрум қилинган. Тергов ва суд даврида очиқда бўлган ҳар икки собиқ амалдор ҳукм эълон қилингач, суд залидан қамоққа олиниб, махсус автомобилда вақтинча сақлаш изоляторига олиб кетилган, дейилади хабарда.
Акмал Хўжаев Жиноят кодексининг 141-3-моддаси 2-қисми “б” банди, 142-моддаси, 206-моддаси 1-қисми, 230-2-моддаси 1-қисми ва 234-моддаси 1-қисмида назарда тутилган жиноятларни содир этганликда айбли деб топилган.
