АҚШ сўнгги 50 йил ичида илк бор мамлакатдан мигрантлар чиқиб кетиш жараёнини кузатмоқда. Бу ҳақда АҚШ президенти Дональд Трамп Оқ уйдан миллатга мурожаати чоғида маълум қилди.
Унинг таъкидлашича, ҳозирда айрим мигрантлар ўз юртларига қайтмоқда, бу эса америкаликлар учун кўпроқ уй-жой ва иш ўринлари қолишига хизмат қилмоқда.
“Сўнгги 50 йилда биринчи марта биз тескари миграцияни кўряпмиз — мигрантлар уйларига қайтяпти. Бу жараён америкаликлар учун кўпроқ мулк ва иш ўринлари қолдираяпти”, — деди Трамп.
Эслатиб ўтамиз, Дональд Трамп 20 январь куни бўлиб ўтган инаугурация маросимидаги илк нутқида ноқонуний мигрантларнинг АҚШ ҳудудига киришини зудлик билан тўхтатиш ва миллионлаб мигрантларни мамлакатдан чиқариш жараёнини бошлашга ваъда берган эди. Шунингдек, у АҚШнинг жанубий чегарасидаги вазият сабабли умуммиллий фавқулодда ҳолат режими жорий этилганини маълум қилган.
