Америкалик тадбиркор Илoн Маск Европа аҳолиси таркибида катта ўзгаришлар аллақачон содир бўлганини билдирди. У бу ҳақда ижтимоий тармоқдаги саҳифасида ёзди.
Маскнинг айтишича, маълумотларга кўра Брюссельдаги болаларнинг 73 фоизи европалик эмас.
«Брюссель — пойтахт, ва у ердаги болаларнинг 73 фоизи европалик эмас! Катта алмашинув аллақачон содир бўлди», — деб ёзди у.
Шунингдек, Маск АҚШ келажакда демократиясиз, бир партияли давлатга айланиши мумкинлигини ҳам таъкидлади. Унинг фикрича, радикал чап сиёсатчилар кўп сонли мигрантларни мамлакатга олиб кириш дастурлари орқали буни амалга ошириши мумкин.
