Гренландиянинг балиқчилик, овчилик ва қишлоқ хўжалиги вазири Питер Борг орол аҳолисига эҳтимолий фавқулодда вазиятларга олдиндан тайёргарлик кўриш ва камида беш кунлик озиқ-овқат захирасини яратишга чақирди.
Вазир матбуот анжуманида инқирозли ҳолатлар учун мўлжалланган ҳаракатлар режаси тақдим этилганини маълум қилди ва аҳолининг шахсий тайёргарлиги жуда муҳим эканини таъкидлади. Унинг сўзларига кўра, қанча кўп одам ўзини мустақил равишда таъминлай олса ва атрофдагиларга ёрдам кўрсатишга қодир бўлса, жамият шунчалик барқарор бўлади.
Питер Борг, шунингдек, фуқаролар учун махсус тавсиялар жамланган брошюра ишлаб чиқилганини эслатди. Ушбу ҳужжат муниципалитетлар, полиция, компаниялар ва бошқа ташкилотлар билан ҳамкорликда тайёрланган. Брошюрада фавқулодда вазиятларда ҳаракат қилишнинг батафсил алгоритми келтирилган бўлиб, у эҳтимолий инқироз сценарийларининг касбий таҳлили, уларнинг давомийлиги, шунингдек, мамлакатнинг иқлим шароити ва инфратузилма ҳолатини ҳисобга олган ҳолда ишлаб чиқилган.
