Хабарингиз бор, Маҳалла ва оилани қўллаб-қувватлаш вазирлиги Оила ва хотин-қизларни қўллаб-қувватлаш қўмитаси тузилганлиги муносабати билан тугатилиб, унинг негизида Маҳалла ва нуронийларни қўллаб-қувватлаш вазирлиги ташкил этилган эди.
Бугун Маҳалла ва нуронийларни қўллаб-қувватлаш вазирининг ўринбосарлари тайинланди
Содиқжон Турдиев маҳалла ва нуронийларни қўллаб-қувватлаш вазирининг биринчи ўринбосари лавозимига тайинланди. Бунгача у маҳалла ва оилани қўллаб-қувватлаш вазирининг ўринбосари эди.
Абдулла Турсунов маҳалла ва нуронийларни қўллаб-қувватлаш вазирининг ўринбосари лавозимига тайинланди. Бунгача у Президент Администрасияси масъул ходими сифатида фаолият юритган.
Мухтар Мухитдинов маҳалла ва нуронийларни қўллаб-қувватлаш вазирининг ўринбосари лавозимига тайинланди. Бунгача у Тошкент шаҳар ҳокимининг ўринбосари эди.
