Белгиянинг Фландрия провинсиясида юқори даражадаги парранда гриппи аниқланди. Бу ҳақда Белгия федерал озиқ-овқат хавфсизлиги агентлиги маълум қилди.
Ушбу вирус Мелбеке қишлоғида жойлашган паррандачилик фермасида аниқланган. Вирус тарқалишининг олдини олиш учун фермадаги барча паррандалар эвтанизация қилинди.
Айни пайтда эпидемия ўчоғи атрофидаги ҳудудда 3 километрлик ҳимоя зонаси ҳамда 10 километр радиусда кузатиш зонаси ташкил этилди. Маҳаллий ҳокимият қаттиқ хавфсизлик чораларини кўрмоқда.
