AҚШда мамлакатнинг шарқий қисмига совуқ, шамол ва қор олиб келган қишки бўрон оқибатида камида 23 киши ҳалок бўлди, деб хабар бермоқда NBC News.

Парвозларни кузатиш хизмати – FlightAware.com маълумотларига кўра, 3300 га яқин рейс бекор қилинган ва яна 7600 га яқин рейс кечиктирилган.

Тўфон, шунингдек, шарқий штатларда ўн минглаб уй хўжаликларининг электр енергиясини узиб қўйди. PowerOutrage.us портали маълумотларидан маълум бўлишича, Шимолий Каролина, Виржиния, Мэриленд, Пенсилвания, Нью-Йорк, Вермонт, Нью-Хэмпшир ва Мейн штатларида 200 мингдан ортиқ одам электр энергиясиз қолмоқда.

Барча узилишларнинг ярмидан кўпи Мейн штатида – 100 000 дан ортиқ.