Наманган вилоятида қиш мавсумини беталофат ўтказиш бўйича вилоят ҳокими раҳбарлигидаги кунлик штаб ўз фаолиятини давом эттирмоқда. Унда ҳар кун эрталаб ва кечқурун вилоятдаги вазият муҳокама қилиниб, муаммоларни тезкорлик билан ечиш, аҳолига енгиллик яратиш чоралари кўрилиши назоратга олинган. Штаб комиссияси қарорига кўра:
- Вилоят ҳудудида совуқ об-ҳаво шароити сақланиб қолаётганидан келиб чиқиб, Наманган вилоятидаги 710 та умумтаълим мактабларида, Президент, ижод ва ихтисослаштирилган мактабларда, барча мактабгача таълим муассасалари ҳамда Олий ўқув юртларида қўшимча таътил 18 январга қадар белгиланди.
Ўқув машғулотлари 18 январь, чоршанба кунидан бошланади.
- Вилоятнинг барча шаҳар ва туманларида ижтимоий ҳимояга муҳтож, эҳтиёжманд оилаларига кўмир тарқатилади.
Аввалроқ Фарғона вилоятидаги мактаб ва боғчалар 18 январдан иш бошлаши хабар қилинганди.
