Бош прокуратура Тошкентда 16 ёшли қиз бинонинг 3-қаватидан тушиб кетгани айтилган хабар бўйича маълумот берди.
Унга кўра, мазкур ҳолат 2023 йилнинг 5 апрел куни Тошкент шаҳри Юнусобод туманида содир бўлган бўлиб, 9-синф ўкувчиси Х.М. ижарада яшаб келаётган уйнинг 3-қаватида балкон ойнасини артаётган вақтида эҳтиётсизлиги оқибатида йиқилиб тан жароҳат олган.
Унга дарҳол тез тиббий ёрдам кўрсатилиб, шифохонага олиб кетилган. Ҳозирда вояга етмаган Х.М.нинг аҳволи яхши.
“Мазкур ҳолат юзасидан суд-тиббий экспертизаси тайинланган. Юнусобод тумани прокуратураси томонидан терговга қадар текширув ҳаракатлари олиб борилмоқда”, дейилади хабарда.
