Гидрометеорология хизмати маркази ва Гидрометеорология илмий-тадқиқот институтига узоқ йиллар раҳбарлик килган олим, фан ташкилотчиси, география фанлари доктори, профессор Чуб Виктор Евгеньевич 78 ёшида вафот этди.
Виктор Чуб 1945 йилда туғилган. 1967 йилда Тошкент Давлат университетини тамомлаган. 1991-1992 йилларда Гидрометеорология хизмати бошқармаси бошлиғи лавозимларида фаолият юритган.
1992-2004 йилларда Вазирлар Маҳкамаси ҳузуридаги Гидрометеорология бош бошқармасига раҳбарлик қилган. 1993-2004 йилларда Бугаев номидаги Ўрта Осиё илмий-тадқиқот гидрометеорология институтини бошқарган. 2004-2017 йилларда Ўзгидромет бош директори, Гидрометеорология илмий-текшириш институти директори лавозимларида ишлаган.
