Тадбиркор Ғофур Раҳимов қидирувда эмаслиги расман тасдиқланди. Бу ҳақда Тошкент шаҳар ИИББ бошлиғининг биринчи ўринбосари Дониёр Тошхўжаев маълумот берди.
Тошкент шаҳар ички ишлар бошқармасида пойтахтда ўтказилаётган тезкор-профилактик тадбирларнинг «Долзарб 40 кунлиги»га бағишланган брифингда Дониёр Тошхўжаев Ғофур Раҳимовнинг қидирувга берилганини рад этди.«Алдоқчи бўлиб қолмай.
Саволингизнинг текширув олиб бориляптими, деган жойини тушириб ўтиб кетсак. Бизда ҳозирги вақтда у шахсга нисбатан жиноят иши мавжуд эмас. У шахс келтирилмаган, қидирувга берилмаган», — дейди у.
Аввалроқ, халқ тилида «мафиялар» дейиладиган бир қатор шахслар қўлга олингани ортидан Ғофур Раҳимовга қидирув эълон қилингани ҳақида хабарлар тарқалганди.
