Термиз аэропортида ноқулай об-ҳаво шароити (чанг бўрони) туфайли Тошкент – Термиз йўналиши бўйича Silk Avia авиакомпаниясининг USA-751 рейси экипажи Қаршидаги муқобил аэродромга йўл олишга қарор қилди. Бу ҳақда Uzbekistan Airports хабар бермоқда.
Самолёт Қарши аэропортига маҳаллий вақт билан соат 10:51 да қўнди. Ёқилғи тўлдирилганидан сўнг самолёт Термиз аэропортига учиб кетди.
