Сурхондарё вилоятида йўқолган фуқаро оғилхонадан ўлик ҳолда топилди. Бош прокуратура матбуот хизмати бошлиғи Ҳаёт Шамсутдиновнинг маълум қилишича, эркак қотиллик аломатлари билан топилган.
Қайд этилишича, бедарак йўқолган 1986 йилда туғилган эркакнинг жасади қотиллик аломатлари билан 26 апрель куни Денов тумани “Нурли Манзил” маҳалласида жойлашган яшаш уйнинг оғилхонаси (молхона) ичида кўмилган топилган.
Жиноятни фош этиш мақсадида прокуратура ҳамда ички ишлар органларининг малакали ва тажрибали ходимларидан иборат тузилган тезкор-тергов гуруҳи томонидан кўрилган зарур чоралар натижасида гумонланаётган шахс қўлга олинган.
Мазкур ҳолат юзасидан Жиноят кодексининг 97-моддаси (қасддан одам ўлдириш) 2-қисми “ж, и” бандлари билан жиноят иши қўзғатилди. Тергов ҳаркатлари олиб борилиб, содир этилган ҳодисанинг сабаблари аниқланмоқда.
