Ҳар бир оддий нарсанинг ортида катта тарих ётиши мумкин. Айнан пиво Америка қитъасини кашф этилишига сабаб бўлган десам, ишонасизми?
Ҳаммаси шундан бошланганки, Колумбнинг кемалари йўлда сувсиз қолган. Сув ифлосланиб, ичишга яроқсиз бўлиб қолган эди. Ҳайдовчилар пиво истеъмол қилишни талаб қила бошладилар, чунки ўша пайтда пиво ифлосланмайдиган хавфсиз ичимлик саналган.
Шунда Колумб кемасини яқин оролга тўхтатишга мажбур бўлди. Ана шу орол кейинчалик янги қитъани кашф қилиш учун старт майдонига айланди.
Ҳа, оддий пиво Америка тарихини ўзгартирган!
1620 йилда «Мэйфлауэр» кемаси Ню-Йорк томон йўл олганди, лекин кемадаги пиво тугаб қолгани учун Массачусетсга мажбурий тўхташди. Ўша ерда илк колония ташкил этилди ва Америкадаги биринчи «Миннатдорчилик куни» ўша ерда нишонланди. Агар пиво етарли бўлганида, Американинг географик ва сиёсий харитаси бошқача бўлиши мумкин эди.
Алкоголь сувдан хавфсизроқ деб ҳисобланган
18-асрда Америкаликлар орасида ичимлик суви ифлос ва хавфли деб ҳисобланган, чунки у кўп касалликларни келтириб чиқарган. Шу сабабли катталар билан бирга болалар ҳам пиво ва сидр ичишган. Алкоголь бактерияларни ўлдиради деб ўйлашган. Ҳатто, ҳарбийларда ҳам пиво кундалик рационнинг бир қисми бўлган!
Колонизаторлар алкоголдан сиёсий мақсадда фойдаланишган
Европалик колонизаторлар маҳаллий аҳоли билан ёрдам ва дўстлик баҳонасида алкогол бериб савдо қилишган. Лекин алкоголга ўрганиб қолган маҳаллий аҳоли енгилгина ўз ерларини топширишган. Бу билан колонизаторлар ҳудудни осонроқ эгаллашган.
Маош ўрнига алкоголь беришган
19-асрда айрим заводларда ишчиларга маош ўрнига алкоголь берилган. Масалан, қурилиш ва оғир меҳнатдаги ишчиларга ҳар куни маош ўрнига пиво ёки виски берилган. Бу ишчиларни арзон ва доимий меҳнат қилишга мажбур қилган.
Қуруқчилик қонуни ва пинҳона ичкиликбозлик
1920 йилда АҚШда Қуруқчилик қонуни жорий этилди ва алкогол тақиқланди. Лекин бу тақиқ алкогол истеъмолини тўхтатмади, аксинча «спикейзи» (махфий барлар) пайдо бўлди. Пинҳона ичимликбозлик кучайди, ҳатто мафия гуруҳлари алкогол савдосидан катта бойлик орттирди.
Вино бизнесининг жар ёқасидан қутулиши
Қуруқчилик қонунидан олдин вино ишлаб чиқарувчилар катта зарар кўриши кутилган эди. Лекин улар айёрлик билан «узум шарбати» сифатида сотишди. Шарбат шишаларига «Илтимос, бу шарбатни бир йилга қўйиб қўйманг, акс ҳолда у винога айланади» деб ёзиб қўйишган. Албатта, харидорлар айнан шундай қилишган!
Аёлларнинг болта билан кураши
1900 йилларда Кэрри Нейшн исмли аёл алкоголга қарши курашни бошлади. У болта билан қуролланиб, барларга ҳужум қилган, алкогол шишаларини синдирган. Унинг ҳаракатидан илҳомланган бошқа аёллар ҳам қўшилиб, «Аёллар христиан мўътадиллик иттифоқи» пайдо бўлди. Бу ҳаракат Қуруқчилик қонунининг қабул қилинишига таъсир ўтказди.
Коктейллар қайси пайтда пайдо бўлган?
Қуруқчилик қонуни даврида спиртли ичимликлар ертўлаларда махфий равишда ишлаб чиқарилган ва уларнинг мазаси ёмон бўлган. Шунинг учун уларни турли мевали шарбатлар билан аралаштиришган, натижада турли хил коктейллар пайдо бўлган.
