Ижтимоий тармоқларда ёш бола “Li L9” русумли автотранспорт воситасини бошқариб кетаётгани ҳақида хабарлар тарқалиб жамоатчилик муҳокамаларига сабаб бўлди.
Тошкент вилояти ИИББ ЙҲХБнинг хабар беришича, 2012 йилда туғилган болага рул чамбарагини тутишга рухсат берган “Li L9” русумли автотранспорт воситасининг қонуний эгаси аниқланган.
Маълумотларга кўра, болакайга унинг дадаси рул чамбарагини берган ва ушбу ҳолатни ўзи тасвирга олган. Сўнг эса видеони ижтимоий тармоқларга жойлаган.
Ҳозирда автотранспорт эгасига нисбатан маъмурий баённома тузилган ва машина вақтинча сақлаш учун жарима майдонига жойлаштирилган.
