Ижтимоий тармоқларда Хоразмда вояга етмаган қизнинг зўрланиши билан боғлиқ яна бир хабар тарқалди. Ҳолат юзасидан Болалар Омбудсмани расмий баёнот берди.
Маълум қилинишича, Хоразмда вояга етмаган қизни гуруҳ бўлиб зўрланиши бўйича Болалар Омбудсманига мурожаат келиб тушган ва мазкур масала назоратга олинган.
«Шуни маълум қиламизки, мазкур масала бўйича Бола ҳуқуқлари бўйича вакилга мурожаат келиб тушган ва назоратга олинган. Куни кеча Болалар Омбудсмани ушбу мурожаатни жойига чиқиб ўрганди ва тегишли маълумотларни олди. Болалар Омбудсмани ўрганиш натижалари бўйича Бош прокуратура ва ИИВга мурожаат юборган.
Ҳолат якунлари бўйича жамоатчиликка қўшимча маълумот тақдим этилади.
Болалар Омбудсмани яна бир бор болаларга нисбатан қўлланадиган жинсий жиноятларга оғир жазо турларини қўллаш керак деган позицияда қатъий туришини маълум қилади», дейилган хабарда.м
