Самарқандда 150 минг доллар эвазига ер сотаётган шахс воқеа жойида қўлга олинди.
Айтилишича, Каттақўрғон туманида яшовчи фуқаро иссиқхона қурмоқчи бўлган шахсга давлат захирасида бўлган 1 гектар ер майдонини 150 минг АҚШ доллари эвазига мансабдор танишлари орқали олиб беришини айтган. Ушбу шахс 9 минг АҚШ доллари эвазига ушбу ерни кадастрдаги танишлари ёрдамида унинг номига расмийлаштириб бериш эвазига жами 159 минг АҚШ долларини олаётган вақтида далиллар билан ушланди.
Бундан ташқари Пахтачи туманида яшовчи шахс ўзининг онасига тегишли бўлган фермер хўжалигининг 10,45 гектар ер майдонини тадбиркорга 900 млн сўмга сотишга келишиб, олдиндан 13 минг АҚШ доллари олган вақтида ушланди.
Шўрчи туманидаги фермер хўжалиги ишчиси, муқаддам судланган шахс мазкур хўжаликнинг 50 сотих ер майдонини харидорга 45 минг АҚШ долларига сотишга келишиб, 40 минг доллар олган вақтида ушланган.
Асака туманида яшовчи шахс фермер хўжалигига тегишли 24 сотих ерни харидорга 22,5 минг АҚШ долларига сотган вақтида ушланди.
