2024 йилда мол-мулкни ижарага берувчи жисмоний ва юридик шахслар учун белгиланган ижара тўловининг энг кам ставкалари тасдиқланди.
Солиқ солиш мақсадида 2024 йилда мулкни ижарага берувчи жисмоний шахслар учун 1 кв. метр яшаш майдони:
— Тошкент шаҳрида – 25 минг сўм, нотурар жой учун 40 минг сўм;
— Нукус ва вилоят марказларида – 12 минг сўм, нотурар жой учун 23 500 сўм;
— Бошқа аҳоли пунктларида – 5 минг сўм, нотурар жой учун 10 минг сўм.
Бир дона автомобиль транспорти учун барча вилоятларга бир хил 780 минг сўм. Шунингдек, микроавтобуслар, автобуслар ва юк автомобиллари учун эса 1 млн 550 минг сўм этиб белгиланди.
Мазкур ставкалар жисмоний ва юридик шахсларнинг мол-мулкни ижарага беришдан олинадиган даромадларига солиқ солиш мақсадида қўлланилиши ҳамда кўчмас мулкдан текин фойдаланиш шартномаларига (яқин қариндошлар ўртасидаги шартномалардан ташқари) ҳам татбиқ этилади.
