2025 йилга келиб такси агрегаторларнинг умумий сони 151 тага етди.
Ўзбекистонда ўзини ўзи банд қилган ҳолда таксичилик билан шуғулланишга доимий рухсат берилади. Президент матбуот хизматининг хабарига кўра, бу қарор 11 январ куни транспорт ва логистика тизимини ривожлантириш чора-тадбирлари бўйича тақдимотда эълон қилинди.
Маълум қилишича, такси ҳайдовчилари 2022 йилдан 2024 йилгача ўзини ўзи банд қилган ҳолда ишлаши мумкин эди. Эндиликда ташаббус доимий асосда амал қилади.
Тақдимотда шу вақт ичида мамлакатда такси ҳайдовчилари сони олти баравар ошиб, 457 минг нафарга етгани таъкидланди. Бундан ташқари, мамлакатда такси йўловчиларини топиш бўйича ахборот хизматлари бозори шаклланган.
2025 йилга келиб такси агрегаторларнинг умумий сони 151 тага етди. Шунингдек, давлат раҳбари агрегаторлар ишини тартибга солиш, уларнинг давлат, ҳайдовчи ва йўловчилар олдидаги мажбуриятларини аниқ белгилаш бўйича топшириқлар берди.
Ўзини ўзи банд қилган такси ҳайдовчиси мақомини олиш учун давлат хизматлари портали орқали ариза бериш керак. Шунингдек, солиқ инспекциясида ёки Солиқ мобил иловаси орқали рўйхатдан ўтиш мумкин.
