Жиззах вилояти Янгиобод туманида ота уч нафар фарзанди учун ҳисобланган алимент қарздорлиги учун уларга уй олиб берди.
МИБ ахборот хизмати хабарига кўра, Фуқаролик ишлари бўйича суднинг ижро варақасига асосан, қарздор А.Х.дан ундирувчи Г.Х.фойдасига уч нафар фарзанди таъминоти учун иш ҳақи ва бошқа даромадларининг 1/2 қисми миқдорида алимент ундириш белгиланган бўлган.
Ушбу ижро ҳужжати Бюронинг Янгиобод туман бўлимига келиб тушган ва шу куннинг ўзида ижро иши қўзғатилган.
Ижро ҳаракатлари давомида масъулиятни ҳис қилган қилган ота ўз фарзандларининг алимент таъминоти ўрнига Янгиобод тумани ҳудудидаги кўп қаватли уйларнинг биридан 4 хонали хонадонни собиқ турмуш ўртоғининг номига ўтказиб берди.
