Турли мавзуда
«Ўзгидромет» дам олиш кунлари кузатиладиган об-ҳаво маълумотини эълон қилди
29-30 сентябрь кунлари республикада бироз беқарор об-ҳаво бўлиши кутилмоқда. Бу ҳақда Гидрометеорология хизмати баёнотида айтилади.
29 сентябрь шимол ва Бухоро-Навоий, 30 сентябрь куни Тошкент, Сирдарё, Жиззах, Самарқанд ва Фарғона водий вилоятларида бироз ёғингарчилик бўлиб ўтиши кутилмоқда. Жойларда кутилажак ёғинлар кўп эмас.
3 октябрь кунига қадар республиканинг бошқа ҳудудларида ёғингарчилик кутилмалари мавжуд эмас.
29-30 сентябрь кунлари баъзи ҳудудларда шамол тезлиги кучайиб, чанг тўзонлари кўтарилиши мумкин.
Ҳарорат фонида ҳам катта ўзаришлар йўқ, октябрь ойининг бошлари учун меъёрий иқлимий муҳит бўлиши кутилмоқда, дейилади хабарда.
