Қурилиш вазирлигининг “Улуш киритиш асосида уй-жой қуриш” миллий ахборот тизими ИШИД жангарилари томонидан бузиб кирилди.
“Сизнинг тизимингиз ИШИД томонидан бузилган. Биз шу ердамиз ……….” дея ёзув қолдириб кетилган.
Ушбу маълумот юзасидан вазирлик расмий муносабат билдирди.
“Бугун, 26-март куни Қурилиш ва уй-жой коммунал хўжалиги вазирлигининг mc.uz расмий сайтидаги rd.mc.uz ҳаволаси ҳаккерлар ҳужуми туфайли бузилган эди.
Расмий сайтга бузиб кирилмаган. Фақатгина ҳаволани ўзгартиришга уриниш бўлган.
Айни пайтда расмий сайт ишлаётганини ва ушбу ҳаволадаги фаолият қайта тикланаётганини маълум қиламиз.” – дейилган муносабатда.
Эслатиб ўтамиз, сайт бугунгача бир неча бор ҳаккерлар томонидан бузиб кирилган.
