Профессионал боксчи Бектемир Мелиқўзиев айни дақиқаларда АҚШнинг Нью-Йорк шаҳрида давом этаётган катта бокс оқшомида рингга кўтарилди. Франциялик Пьер Юбер Дибомбега қарши кечган жанг еттинчи раундда тўхтатилди.
Ҳар икки боксчининг қоши тўқнашув натижасида ёрилиб кетгани боис, ғолиб номи ортда қолган етти раунд натижаларига кўра аниқланди. Ушбу жангда Мелиқўзиев ҳакамларнинг якдил қарори билан ғолиб деб топилди.
Шу тариқа, Бектемир Мелиқўзиев иккинчи ўрта вазн тоифасида ўзига тегишли WBA Inter-Continental камарини муваффақиятли ҳимоя қилди. У энди янгиланган WBA рейтингида кўтарилиб олади. Пьер Юбер эса бугун фаолиятидаги илк мағлубиятини қабул қилиб олди.
