Самарқандда ЙПХ ходими ҳайдовчидан уч кишига тушлик олиб келишини сўраган.
Маълум қилинишича, инспектор машинани тўхтатиб, ҳайдовчидан уч кишилик тушлик олиб келишини сўраган. «50 кундан бери қуёшда тургани»ни айтиб, эзилиб кетганини таъкидлаган. Бўлиб ўтган «савдо»дан кейин ҳайдовчи Nexia-3 машинасида ўтирган одамга 70 минг сўм бериб кетган.
Ҳолат юзасидан Самарқанд вилояти ички ишлар бошқармаси томонидан хизмат текшируви ўтказилди. Ушбу воқеада иштирок этган ЙПХ инспекторлари ички ишлар органлари сафидан бўшатилди. Уларнинг раҳбарларига нисбатан интизомий таъсир чоралари кўлланилди.
