Озарбайжоннинг биринчи президенти Аяз Муталибов 84 ёшида вафот этди. Бу ҳақда Report.az Социал-демократик партияси раиси Араз Ализодага таяниб хабар бермоқда. Маълумотни республика биринчи президентининг ўғли Заур Муталибов тасдиқлади.
Муталибов Озарбайжон ССРнинг ягона президенти (1990–1991) ва Озарбайжоннинг биринчи президенти (1991–1992) бўлган. Сиёсатчи узоқ вақт оғир хасталикдан азият чекди ва яқинда гапириш қобилиятини йўқотди.
Аяз Ниёзи ўғли Муталибов 1938 йил май ойида Боку шаҳрида туғилган. Мактабдан кейин Озарбайжон нефт ва кимё институтида таҳсил олди. Унинг фаолияти 1958 йилда бошланган.
