Smaylik (“Tabassum”) lar kundalik hayotimizning bir bo‘lagiga aylanib ulgurdi. 2023-yilda iPhone (iOS) va Android telefonlariga yuklanish ehtimoli bo‘lgan emojilar ma’lum bo‘ldi. Kelasi yil iOS va Android ga titrayotgan yuz, havorang yurakcha, kiyik boshi va meduza bilan birga 31 ta yangi emoji ilova qilinishi mumkin.
Emojilar xabar jo‘natishda, boshqa jo‘natmalarga izoh yozishda ishlatiladi. Unicode konsortsiumi esa ayni paytda emoji 15 uchun yangi emojilarning turlarini shakllantirishmoqda. Ochiq havorang yurakcha, kulrang yurakcha, eshak, kiyik boshi, qarg‘a, meduza, taroq, g‘oz, qanot, zanjabil, no‘xatlarning tasviri yangi emojilar qatorida bo‘lishi ehtimoli bor.
Quyida yangi emojilarning namunalari
Emojilarning xulosaviy namunalari Apple va Google singari nufuzli shirkatlarning tanloviga ko‘ra amalga kiritiladi. Nomzod emojilarning namunalari esa allaqachon shakllanib bo‘ldi.
Yangi emojilar hali loyiha bosqichidan to‘liq o‘tmaganligi tufayli ularda o‘zgarishlar bo‘lishi mumkin. Ularning ro‘yxati iyul oyida to‘liq shakllanitiriladi.
Dilbar Rajabova tayyorladi
