Toshkentning Navoiy shoh ko‘chasidagi yo‘llar vaqtincha yopiladi. Bu haqda Toshkent shahar hokimligi ma’lum qildi.
«Navoiy shoh ko‘chasida olib borilayotgan yo‘l qurilishi ishlari sababli, 17 avgust soat 08:00 dan ishlar yakunlanguniga qadar ushbu ko‘chaning Xadra maydoni Furqat ko‘chasidan Chorsu maydoni, Beruniy va Samarqand darvoza ko‘chalari bilan kesishmasigacha bo‘lgan oralig‘i qisman yopiladi.
Haydovchilardan aylanma yo‘llardan foydalanishlarini va noqulayliklar uchun uzr so‘raymiz», deyiladi xabarda.
